44 günlük Vətən müharibəsi ilə bağlı yeni filmlər gözləyirik - Fərəh Əliyeva

"Biz 44 günlük Vətən müharibəsi ilə bağlı yeni filmlər gözləyirik".

Publika.az">Publika.az xəbər verir ki, bunu Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva Şuşada keçirilən Dünya Azərbaycanlılarının V Qurultayı - Zəfər Qurultayınln panel iclasında çıxış edərkən deyib.

O bildirib ki, dünya səviyyəsinə çıxarılacaq filmin ərsəyə gəlməsi üçün zaman lazımdır.

"Mədəniyyət Nazirliyi bu istiqamətdə çalışır. Qardaş Türkiyə ilə də birgə layihələr üzərində işlər gedir" - deyə o, əlavə edib.

PA-nın şöbə müdiri Azərbaycanda zəfərlə bağlı sənədli filmlər çəkildiyini də xatırladıb.

"Dünyaya çıxarılacaq film çəkmək zaman tələb edir. Artıq müəyyən layihələr var. Qarabağ həqiqətlərini ən müxtəlif rakurslarda təqdim etmək üçün işlər gedir. Bura Türkiyədən rejissorlar da qoşulacaq. Bu, Qarabağ zəfərinə layiq olan bir iş olacaq. Bu zəfərin qiyməti o qədər böyükdür ki, belə bir əsərin tez yaranması mümkün deyil. Eyni zamanda Qarabağ zəfəri filmərlə yanaşı, bədii əsərlərlə teatrla bağlı olacaq" - Fərəh Əliyeva əlavə edib.