Dünya
Qlobal savaş 00:30-da RƏSMƏN BAŞLAYIR
ABŞ prezidenti Donald Trampın polad və aliminium idxalına gömrük rüsumları tətbiq etməsini nəzərdə tutan qərarı Bakı vaxtı ilə gecə saat 00:30-da imzalanacaq.
Publika.az xəbər verir ki, Ağ Ev bu münasibətlə imza mərasimini təşkil etməyi planlaşdırır.
Qərara əsasən, polada 25 faiz, alimimiuma 10 faiz rüsum tətbiq ediləcək. Bu qərarın ABŞ-a polad və alimimium ixrac edən ölkələrə, xüsusən də Çinə və Avropa ölkələrinə, Hindistana və digərlərinə ciddi zərbə vuracaq.
ABŞ prezidenti daha əvvəl verdiyi açıqlamasında yeni qərarı ölkəsinin ticarət tərəfdaşlarının “haqsız qazanc” əldə etməsi və Birləşmiş Ştatlarda yüz minlərlə iş yerini təhlükə altında qoyması ilə əsaslandırıb.

Artıq ABŞ-a polad və aliminium ixrac edən ölkələrin əksəriyyəti cavab tədbirləri görəcəklərini bildiriblər. Avropa Komissiyasının prezidenti Jan klod Yunker ABŞ-a qarşı cavab tədbirləri hazırladıqlarını açıqlayıb. Çin Birləşmiş Ştatları dünya iqtisadiyyatına və qlobal ticarətə zərbə vuran qərarlardan çəkinməyə çağırıb. Rəsmi Pekin bildirir ki, digər ölkələr də ABŞ-ın addımını təkrarlasa, dünya ticarətinə ciddi zərbə dəyəcək. Kanada xarici işlər naziri Xrist Friland da ölkəsinin cavab tədbirləri görəcəyini bildirib.
Analitiklərə görə, Trampın qərarı əsasən ABŞ-la Çin arasında ticarət müharibəsinə gətirib çıxaracaq. Çünki Çin ABŞ-a ən çox polad ixrac edən ölkədir və təbii ki, Trampın qərarından ciddi ziyan çəkəcək. Digər tərəfdən Trampın qərarına görə, ABŞ iqtisadiyyatına da ciddi zərər dəyəcək, bu qərarın xeyrindən çox ziyanı olacaq.

Donald Trampın qərarını şərh edən Türkiyənin baş nazirinin müavini Mehmet Şimşək “qlobal ticarət savaşı”nın başlanacağını bildirib. Onun sözlərinə görə, okeanın o tayına polad ixrac edən ölkələrdən olan Türkiyə ABŞ-ın bu qərarına pambıq idxalına qoyulan rüsumları artırmaqla cavab verəcək.
Tramp bildirib ki, Avropa İttifaqı ABŞ-dan gələn məhsullara əlavə rüsum tətbiq etməyə başlayarsa, Vaşinqton Avropa istehsalı olan avtomobillərə 25 faiz əlavə rüsum tətbiq edəcək.
“Görərsiniz, onlar daha davam edə bilməzlər”, - o bildirib.
Ömər Dağlı
-
Qoroskop01:20Günün ulduz falı: Ailə daxilində kiçik anlaşılmazlıqlar ola bilər
-
Hadisə18 Noyabr 22:04Dəhşətli qəza: Ata, azyaşlı qızı və bacısı oğlu həlak oldu - Yeniləndi
-
ABŞ18 Noyabr 19:50Trampa verilən gizli hədiyyə ortaya çıxdı - Hətta diplomatlar da bilmirmiş...
-
Nəqliyyat18 Noyabr 19:10Azərbaycanda bu yollar da ödənişli ola bilər - Açıqlandı
-
Rəsmi xronika18 Noyabr 15:08Prezident Latviya Prezidentini təbrik etdi
-
Nida Xəbər 18 Noyabr 14:37ABŞ-da Azərbaycan bayrağı endirilib? - Dövlət Komitəsindən açıqlama
-
Nida Xəbər 18 Noyabr 14:31Hafiz Məmmədovun ailəsinin əmlakları ilə bağlı yeni qərar
-
Elm və təhsil18 Noyabr 13:40“Diplom varsa, avtomatik biliklər də var” - Nazir bu yanaşmanı tənqid etdi



































