Bu, komanda üçün əla nəticədir - Peres

23 May 2022 10:33

“Red Bull” komandasının pilotu Serxio Peres bildirib ki, İspaniyadakı komanda əmri barədə danışacaq.

Publika.az xəbər verir ki, meksikalı sürücü yarışda lider idi, amma komanda ona əmr verərək, Ferstappeni önə buraxmasını istəyib. Beləliklə, Peres qələbəni əldən verərək, ikinciliyə razı olub.

Serxio Peres bildirib ki, İspaniyada ilk dəfə podiuma çıxdığı üçün sevinclidir: “Qələbəyə yaxın idim. Komanda üçün əla nəticədir. Buna görə sevinirəm. Fərqli strategiyalarda idik. Əvvəl Maksın keçməsinə icazə verdim. O anda strategiyama görə vaxt itirmək istəmədim. Ancaq yenə də komanda üçün əla nəticədir”.