Kann Festivalının 7-ci günündə ulduzların qırmızı xalı keçidi - FOTO

24 May 2022 10:58

Artıq bir həftədir ki, “Kot d'Azur”dakı hadisələri maraqla izləyirik. Kann Kino Festivalının 7-ci günü də həm premyeralar, həm də aktyor və aktrisalar, rejissorlar, prodüserlər və əlbəttə ki, top modellərin çıxışı ilə yaddaqalan oldu. Kann Festivalını uzun ayaqlı modellər olmadan təsəvvür etmək olmaz, podium ulduzları ən müxtəlif dərəcədə açıq-saçıq dizayner paltarlarında, qulaqlarında və biləklərində ən bahalı brilyantlarla sözün əsl mənasında göz qamaşdırıblar.

Publika.az xəbər verir ki, gecənin qonaqları arasında Naomi Kempbel, Anna Rubik, Şeron Stoun, Vessan Kassel və xanımı Tina Kunaki, Emili Ratakovski və başqaları iştirak edib.

Gecədə rejissor Devid Kronenberqin “Gələcəyin cinayətləri” filminin premyerası olub. Film yaxın gələcəkdə, insanlarda bədənləri ilə hər cür metamorfoz əmələ gətirməyə imkan verən “sürətlənmiş təkamül sindromu”nun olduğu zaman baş verir. Çoxları cinayət törətmək üçün bu fürsətlərdən istifadə etməyə başlayır. Filmdə baş rolları Viqqo Mortensen, Lea Seydu və Kristen Stüart canlandırıb.