Bakıda fərqli problemlər üzə çıxa bilər - Monaqan

7 İyun 2022 10:34

“Red Bull” komandasının baş mühəndisi Pol Monaqan bildirib ki, Bakıda DRS problemlərini həll edə bilərlər.

Publika.az xəbər verir ki, Maks Ferstappen İspaniya Qran Prisində DRS-yə görə problemlər yaşayıb. Komanda bu problemi həll etmək üçün çox işləyib.

Pol Monaqan deyib ki, DRS problemi öz-özünə əmələ gəlib: “Mütəxəssislərin araşdırmalarından və yoxlamalarından sonra rahat nəfəs aldıq. Qısa müddətdə əla iş gördülər. Ancaq hər şey trasdan-trasa dəyişir. İspaniyada öyrəndiklərimə güvənirəm.

Bakıda fərqli problemlər üzə çıxa bilər. Monakoda DRS açanda 160 km/saat sürətlə gedirsiniz. Bakıda isə 300 km/saat sürətlə. Problem qanaddakı ağırlıq yükü yox, aero yüküdür. Buna görə də Monakoya güvənmək axmaqlıq olar. Ancaq indiyə kimi hər şey yaxşı işlədi”.