• USD 1,7000 0,00% EUR 1,8859 +0,07%
    • GBP 2,0660 +0,19% RUB 0,0256 +0,78%

ABŞ Rusiya ilə raket müqaviləsi üzrə danışıqların şərtlərini açıqladı

  • ABŞ
  • 5 Mart 2019 11:38
ABŞ Rusiya ilə raket müqaviləsi üzrə danışıqların şərtlərini açıqladı

ABŞ müəyyən şərtlərlə silahlanma üzərində nəzarət üzrə Rusiyayla danışıqlara hazırdır.

Publika.az xəbər verir ki, bu haqda ABŞ Dövlət Departamentinin nümayəndəsinə istinadən TASS agentliyi bildirib.

Onun sözlərinə görə, Amerika tərəfi əvvəlki kimi silahlanmalar üzərində effektiv nəzarətə sadiqdir.

“Biz silahlanma üzərində nəzarət üzrə Rusiyayla danışıqlarda iştirak etməyə hazırıq. Biz ABŞ və müttəfiqlərinin təhlükəsizliyinə öz töhfəsini verən, məcburi yoxlama mexanizmi olan və icrasına partnyorların da daxil edildiyi effekti silah nəzarətinə sadiqiq”, - Dövlət Departamentinin nümayəndəsi deyib.

Diplomat əlavə edib ki, ABŞ Rusiyanın Orta və kiçik mənzilli raketlərin ləğv edilməsi haqqında Müqavilədən çıxmasından məyus olub.

Qeyd edək ki, fevralın 2-də ABŞ Rusiyanı müqaviləni pozmaqda ittiham edib və müqavilədə iştirakı dayandırıb. Vaşinqtonun bəyanatına görə, Rusiya razılaşmanın icrasına qayıtmasa, müqavilədən çıxış prosesi altı ay sonra başa çatacaq. Moskva adekvat cavab verəcəyini bəyan edib.

Martın 5-də isə Rusiya prezidenti Vladimir Putin Orta və kiçik mənzilli raketlərin ləğvi haqqında Müqavilənin icrasının dayandırılması barədə fərmanı imzalayıb.

Xatırladaq ki, müqavilə Sovet İttifaqı Kommunist Partiyası Mərkəzi Komitəsinin birinci katibi Mixail Qorbaçov və ABŞ prezidenti Ronald Reyqan tərəfindən 1987-ci ildə imzalanıb. Sənəd 500 kilometrdən 5500 kilometrə qədər ballistik və qanadlı nüvə raketlərinin istehsalını, həmçinin onların sınağını qadağan edirdi.

Ömər

Xəbər lenti

DAHA ÇOX XƏBƏR