Donald Tramp haqqında AĞLASIĞMAZ İDDİALAR: prezidentliyi başa çatacaq, Ağ Ev isə... (YENİLƏNDİ)

Böyük Britaniya Vaşinqtondakı fövqəladə və səlahiyyətli səfiri Kim Darroçun diplomatik yazışmalarının mətbuata sızdırılmasından sonra hərəkətə keçib.

Publika.az BBC-yə istinadən xəbər verir ki, Xarici İşlər Nazirliyi səfirin ABŞ prezidenti Donald Tramp haqqında dediyi fikirlərin yer aldığı sənədlərlə bağlı istintaqa başlayıb.

İstintaq qərarı “House of Commons”un Xarici İşlər Komitəsinin sədri Tom Tuqendatın hadisəni ciddi bir qanun pozuntusu adlandırması və məsuliyyət daşıyanların cəzalandırılması çağırışından sonra verilib.

***

ABŞ prezidenti Donald Tramp bacarıqsızdır.

Publika.az xəbər verir ki, bunu İngiltərənin Vaşinqtondakı fövqəladə və səlahiyyətli səfiri Sir Kim Darroç iddia edib.

“Daily Mail” Darroçun diplomatik yazışmaları olduğunu bildirdiyi mətnlər yayımlayıb. Mətndə bildirilib ki, D.Tramp vəzifəsini utanc içində sonlandıra bilər. Yazışmada həmçinin “Tramp Administrasiyasının daha normal, daha az funksiyasız, daha az məmnun edilməyən, daha az mövqeçi, diplomatik baxımdan daha az şikəst və bacarıqsız ola biləcəyinə inanmırıq” sözlərinə yer verilib.

Darroç qeyd edib ki, Trampın idarəsində olan Ağ Evin sözü o qədər də kəsərli deyil. Səfir ehtimal edir ki, Tramp Administrasiyası yaşadığı skandallardan sonra çökəcək.

Zümrüd