ABŞ

ABŞ Konqresi qarşısında etirazlar zamanı dörd nəfər öldü - (YENİLƏNDİ)

7 Yanvar 2021 09:09

Vaşinqton hakimiyyəti ABŞ Konqresi qarşısında etiraz aksiyaları zamanı ümumilikdə dörd nəfərin öldüyünü təsdiqləyib.

Bu barədə mətbuat konfransında paytaxt polisinin rəhbəri Robert Konti deyib.

O, Konqres binasında bir qadının güllə yarasından öldüyünü təsdiqləyib və ölümlərin konkret səbəblərini göstərmədən üç nəfərin də öldüyünü bildirib:

"Bundan əlavə, bu gün ABŞ Konqresi Binası ətrafındakı ərazidə daha üç nəfər öldü: bir qadın və iki kişi ölümlərinə səbəb olan tibbi xarakter daşıyan müxtəlif təcili hadisələr baş verib".

xxx

05:45

ABŞ Konqresi binasında baş verən atışma nəticəsində bir qadın yaralanıb, vəziyyəti kritikdir.

Piblika.az xəbər verir ki, bu barədə CNN telekanalı bildirib.

Bundan əvvəl ABŞ Milli İctimai Radiosu ABŞ Konqresi Binası polisinin əlində silah ilə nümayişçilərə Konqres binasını tərk etmələrini əmr etdiyini bildirmişdi.

Qeyd edək ki, yanvarın 6-da onlarla etirazçı Konqres binasına zorla daxil olmuşdu.