Konqres Baydenin gizli sənədləri ilə bağlı insidentləri araşdırmağa çağırdı

ABŞ Konqresi prezident Co Baydenin üzə çıxan məxfi sənədləri ilə bağlı insidentləri araşdırmalıdır.

Publika.az "CBS"yə istinadən xəbər verir ki, bu sözləri Nümayəndələr Palatasının spikeri Kevin Makkarti deyib.

"Onlar bu barədə Baydenin prezident seçkilərindən əvvəl də bilirdilər, amma ictimaiyyətdən gizli saxladılar?", - spiker qeyd edib.

Makkarti həmçinin keçmiş prezident Donald Trampın əmlakına basqını və özünün belə bir işdə əli olduğunu yaxşı bilsə də, Baydenin onu tənqid etdiyini xatırladaraq hazırkı administrasiyanı ikili standartlarda ittiham edib.

Xatırladaq ki, yanvarın 12-də Ağ Ev Baydenin vəkillərinin Uilminqtondakı evinin qarajında ​​ikinci məxfi sənədlər toplusunu tapdığını təsdiqləyib. Sənədlər anbar otağında “şəxsi və siyasi sənədlər arasında” tapılıb. Bayden bu məlumatı təsdiqləyib və vəkillərinin bu faktı dərhal ABŞ Ədliyyə Departamentinə bildirdiklərini deyib.

Bundan əvvəl ABŞ Konqresinin Nümayəndələr Palatasının Kəşfiyyat üzrə Daimi Komitəsi Amerikanın hazırkı liderinin vitse-prezidenti olduğu dövrə aid məxfi sənədlərin aşkarlanması ilə bağlı araşdırma aparmağa çağırıb.

Aytən Məftun