Türkiyə şirkətlərinə qarşı sanksiyalar: ABŞ nədən qorxmur?

ABŞ Dövlət Departamentinin mətbuat xidmətinin rəhbəri Metyu Miller türk şirkətlərinə qarşı sanksiyaların İsveçin NATO-ya daxil olmasına təsirini qiymətləndirib.

Publika.az xəbər verir ki, bu barədə TASS məlumat yayıb.

Millerin sözlərinə görə, Vaşinqton tətbiq edilən sanksiyaların İsveçin Şimali Atlantika Alyansına qoşulması prosesinə xələl gətirəcəyindən qorxmur.

"Bizim Türkiyə hökuməti ilə konstruktiv və isti münasibətlərimiz var. Onlar bizim mühüm müttəfiqimizdir", - Miller bildirib.

O, həmçinin vurğulayıb ki, Birləşmiş Ştatlar hələ də İsveçin NATO-ya üzv olmaq ərizəsini təsdiq etməli olan sanksiyaların tətbiqi qərarı barədə Ankaranı xəbərdar etməyib.

Millerin sözlərinə görə, Vaşinqton bu məsələdə Ankara ilə əməkdaşlığı davam etdirir.

"Reuters" daha əvvəl xəbər vermişdi ki, ABŞ Rusiyaya sanksiyalardan yayınmağa kömək etdiyi iddiası ilə 5 türk şirkəti və bir şəxsə qarşı sanksiya tətbiq etməyi planlaşdırır.

Qeyd olunub ki, gəmiçilik və ticarət şirkətləri bu sanksiyalara məruz qala bilər.

Hüseyn İbadlı