Tramp yox, Harris qalib gələrsə, dünyanı... - Mask qorxunc hadisələr proqnozlaşdırdı

Respublikaçıların prezidentliyə namizədi Donald Tramp 2024-cü ilin noyabrında keçiriləcək seçkilərdə qalib gəlməsə, Birləşmiş Ştatlar “tiranlığa yuvarlanmaq” riski ilə üzləşəcək.

Publika.az xəbər verir ki, bu barədə amerikalı sahibkar İlon Mask "X" platformasındakı hesabında yazıb.

"Tramp seçilməsə, Birləşmiş Ştatlar tiranlığa doğru yuvarlanacaq", - deyə iş adamı vurğulayıb.

Qeyd edək ki, sentyabrın 15-də Respublikaçılar Partiyasından vitse-prezidentliyə namizəd JD Vens Donald Trampın prezident seçkilərində qalib gəlmək şanslarından danışıb. O, Şimali Karolina əhalisinin dəstəyi olmadan siyasətçinin hakimiyyətə qayıtmasının kifayət qədər çətin olacağını bildirib.

Xatırladaq ki, sentyabrın 11-də ABŞ-da Donald Trampla Demokratlar Partiyasından prezidentliyə namizəd Kamala Harris arasında ilk debat baş tutub. Tədbir zamanı respublikaçı seçicilərə Rusiya Federasiyası ilə Ukrayna arasında münaqişəyə, o cümlədən bu ölkələrin liderləri Vladimir Putin və Vladimir Zelenski arasında birbaşa danışıqların təşkili yolu ilə son qoymağa söz verib.

Adəm Abbaslı