Maskın atası ABŞ mətbuatını yıxıb-sürüdü: Sadəcə havanı silkələyirlər

Məşhur sahibkar İlon Maskın atası Errol Mask Amerika mediasının durumu ilə bağlı sərt açıqlama verib.

Publika.az xəbər verir ki, o, bu barədə RT-də Rik Sançesə verdiyi müsahibədə bildirib. Errol Mask ABŞ-ın ən böyük televiziya kanallarının, o cümlədən CNN, NBC və BBC-nin öz auditoriyası qarşısında etibarı tamamilə itirdiyini iddia edib.

"Siz bunu inqilab adlandıra bilərsiniz... Heç kim onlara əhəmiyyət vermir. Diqqət sıfır. Onlar sadəcə havanı silkələyirlər", - amerikalı sahibkarın atası deyib.

Onun sözlərinə görə, ABŞ-da tamaşaçılar bu KİV-lərin məzmunundan o qədər məyus olublar ki, onların verilişlərinə səssiz baxırlar - “sadəcə şəkil tərpənir”.

Errol Maskın şərhləri Amerika media landşaftında artan qütbləşmə və sosial media və müstəqil platformalar da daxil olmaqla alternativ məlumat mənbələri ilə rəqabətin artması fonunda verilib.

Onun sözləri ənənəvi medianı dəfələrlə tənqid edən və rəqəmsal məkanda azad sözü təmin etmək üçün sosial media platforması əldə edən oğlu İlon Maskın sözləri ilə uzlaşır.

Ekspertlər qeyd edirlər ki, bu cür qiymətləndirmələr ABŞ-da əsas mediaya, xüsusən də gənc auditoriyaya inamın azalmasının ümumi tendensiyasını əks etdirir.

Tural