Art

Əfsanəvi yəhudi musiqiçisi Bakıda konsert verəcək - VİDEO

19 Fevral 2019 14:54

İlk dəfə Bakıda, 25 may 2019-cu il tarixində, dünyaca məşhur kamança ifaçısı, dərin melodiyaların ustadı, əfsanəvi Mark Eliyahunun Heyər Əliyev Sarayında konserti keçiriləcək.

Publika.az xəbər verir ki, əslən yəhudi olan Mark Eliyahu azərbaycanlı dinləyicilərini türk, ərəb, İran, ən əsası Azərbaycan muğamının incəliklərini və dərinliklərini virtuoz ifada təqdim edcək. Müğənni bildirib ki, konsert çox rəngarəng, əsrlərin dərinliklərindən gələrək düşüncələri aydınladan abı-havada keçəcək.

Məlumat üçün bildirək ki, Mark Eliyahu 16 yaşında olarkən Habil Əliyevin kamança ilə ifasına qulaq asıb. Bundan təsirlənən Mark Bakıya köçərək Ədalət Vəzirovun rəhbərliyi altında kamança dərsləri almağa başlayıb. Markın ifa etdiyi kamança şəxsən Habil Əliyev tərəfindən ona verilən qiymətli hədiyyədir. Bu, Habil Əliyevin alətlərindən biri olub.

Biletləri şəhərimizin kassalarından və iTicket.az saytından əldə edə bilərsiz.