Barak Obama "Emmi" mükafatının qalibi oldu

ABŞ-ın keçmiş prezidenti Barak Obama bir gün əvvəl "Emmi" mükafatını qazanıb.

Publika.az xəbər verir ki, bu, barədə Amerika Televiziya Elmləri və İncəsənət Akademiyasının rəsmi saytı məlumat yayıb.

Bildirilir ki, Obama "Böyük Milli Parklarımız" (2022) sənədli serialının yaradılmasında iştirakına görə “Görkəmli Hekayəçi Mükafatı 2022” mükafatını qazanıb.

Belə ki, Amerikanın keçmiş prezidenti "A World of Wonder" adlı serialın ilk seriyasının səslənməsinə görə "Emmi" mükafatına layiq görülüb. Ümumilikdə serial beş epizoddan ibarətdir və planetin milli parklarından və onların canlı təbiətindən bəhs edir.

"Emmi" Mükafatları 70 ildən çoxdur ki, Amerika Televiziya İncəsənəti və Elmləri Akademiyası tərəfindən verilir. Hazırda mükafat ABŞ-da televiziya sahəsində əsas Amerika mükafatıdır.

Obama daha əvvəl "Atamın xəyalları" və "Ümidin cəsarəti" adlı xatirələri üçün audiokitablar yazdırdığı üçün "Qremmi" mükafatı alıb.

Bundan əvvəl, 2020-ci ildə Mişel Obamanın ən yaxşı nitq albomu nominasiyasında "Qremmi" qazandığı bildirilirdi.

Hüseyn İbadlı