Avropa

Amerikanın təyyarələri Krımda kəşfiyyat apardı

8 Yanvar 2019 11:52

ABŞ-ın Hərbi Hava Qüvvələrinin strateji kəşfiyyat pilotsuz uçuş aparatı “RQ-4B-30 Global Hawk” bazar ertəsi Donbasda kəşfiyyat aparıb.

Publika.az xəbər verir ki, bu haqda “PlaneRadar” monitorinq resursunun tvitter səhifəsində bildirilib.

Portalın məlumatına görə, pilotsuz təyyarə səhər saatlarında İtaliyanın Sigonella təyyarə bazasından uçub və Donbasda təmas xəttinə yollanıb. Həmin gün axşam saatlarında uçuş aparatı Rusiyanın Qara dəniz sahili boyu kəşfiyyat aparıb, həmçinin Sevastopolun 33 kilometrliyinə qədər yaxınlaşıb.

Həmin gün ilhaq edilən Krım sahillərində ABŞ-ın Hərbi-Dəniz Qüvvələrinin “Boeing P-8A Poseydon” kəşfiyyat təyyarəsi qeydə alınıb.

Qeyd edək ki, son zamanlar Rusiya sərhədlərinə yaxın ərazilərdə xarici kəşfiyyat təyyarələri və pilotsuz təyyarələrin fəallığı artıb. Rusiyanın Müdafiə Nazirliyinə Vaşinqtonu dəfələrlə belə əməliyyatlardan imtina etməyə çağırıb, ancaq Pentaqon çağırışlara rədd cavabı verib.

Ömər