Avropa

Putin haqqında ÇOX DANIŞILACAQ iddialar: İtaliya mətbuatı açıqladı - - FOTO

25 Fevral 2019 12:40

İtalyanın həftəlik yayımlanan dərgilərindən biri olan “L'Espresso” da qəribə iddia dərc edilib.

Publika.az xəbər verir ki, daxili işlər naziri Matteo Salvini ilə Rusiya baş nazirinin müavini Dmitri Kozakın Moskvada gizli görüşdüyü bildirilib.

Görüşdə tərəflərin radikal sağçı Şimal Liqası Partiyasının Avropadakı seçkilər üçün mailiyyələşməsi məsələsində razılaşdığı iddialar arasında yer alıb.

Dmitri Kozakın mətbuat katibi belə bir görüşün keçirildiyini təkzib edib və Rusiya tərəfindən maliyyə yardımının edilmədiyini açıqlayıb.

Qeyd edək ki, ötən il Moskvaya bir neçə dəfə səfər edən Salvini haqqında eyni iddialar ortaya atılmışdı. Salvini isə “Rusiyadan bir rubl da almadım. Bir matruşka da, bir kürk papaq da” deyərək iddiaları səsləndirənlərə lağ etmişdi.

Bu xəbər İtaliya mətbuatında geniş əks-səda doğurub. Xəbər dünya mətbuatında isə “Putin Salvinini maliyyələşdirirmi?” başlıqları ilə dərc edilib.

Zümrüd