“Sarı jiletli”lərin tələbləri qarşısında geri çəkilən Fransa prezidenti Emanuel Makron təqaüdləri artıracağı ilə bağlı qərar verib.
Publika.az xəbər verir ki, bu aksiyalara son qoymaq üçün irəli sürülən tələblərə cavab vermək üçün “milli müzakirələr” təşkil edilib. Bu müzakirələrdən sonra Makron bir sıra qərarlar qəbul edib. O, “sarı jiletli”lərin tələblərinə uyğun bəzi dəyişikliklər ediləcəyini açıqlayıb.
Ölkədə son iki ildə aparılan yenidənqurma işlərinin doğru istiqamətdə olduğunu deyən Makron “sarı jiletli”lərin hərəkatında dərin bir ədalətsizlik duyğusunun olduğunu deyib. Onun sözlərinə görə, ölkədə səsvermənin məcburi olması barədə tələb problemləri həll etməyəcək. Xalqın referenduma getməsi üçün 4.5 milyon yox, sadəcə 1 milyon səs lazımdır. Makron bildirib ki, 2022-ci ilə qədər bələdiyyə sərdlərinin razılığı olmadan şəhərlərdə xəstəxana və məktəblər bağlanmayacaq. O, işləyən vətəndaşların ödədiyi gəlir vergisinin də azaldılacağını bildirib.
Şirkətlər də bəzi vergidən azad olacaq. İbtidai siniflərdə bir sinifdə şagird sayı 24-dən çox olmayacaq.
Həmçinin Makron 2 min avrodan az pensiya alanlarla bağlı tədbir görüləcəyini, təqaüdlərin məbləğinin ən azı min avro olacağını açıqlayıb.
.jpg)
.jpg)
