Türkiyəyə verilməyən F-35-ləri bu ölkə alacaq - ŞOK İDDİA

ABŞ Türkiyəyə F-35 qırıcılarının çatdırılmasını ləğv edəcəyi halda, Polşa onları almaq istəyir.

Publika.az xəbər verir ki, bu haqda vəziyyətlə tanış Polşa mənbəyi “RİA-Novosti” agentliyinə bildirib.

“Polşa rəhbərliyi S-400 komplekslərinin Ankara tərəfindən alınmasına görə Türkiyə və ABŞ arasındakı münaqişəni çox diqqətlə müşahidə edir. Axı bu münaqişə F-35 beşinci nəsil ən yeni Amerika qırıcılarının Türkiyənin satışını ləğv edə bilər. Polşa demək olar ki, bu təyyarələr üçün növbədə dayanıb”, - mənbə davam edib.

Xatırladaq ki, 2017-ci ilin dekabr ayında Türkiyə və Rusiya S-400 “Triumf” zenit-raket komplekslərinə dair kredit sazişi imzalayıb. Sazişə əsasən, Ankara 2 zenit-raket batareyası alacaq. Tərəflər, həmçinin S-400 kompleksinin Türkiyədə istehsalı üçün texnoloji əməkdaşlıq barədə razılığa gəlib. ABŞ və NATO ölkələri bu sövdələşməyə görə Ankaranı dəfələrlə tənqid edib. Lakin Ankara komplekslərdən imtina etməyəcəyini bəyan edib.

Ötən həftə Rusiyanın “Rostex” Dövlət Korporasiyasının baş direktoru Sergey Çemezov bildirib ki, Türkiyəyə S-400 zenit-raket sistemlərinin çatdırılması iki ay sonra başlanacaq.

Uzaq məsafəli zenit raket sistemi - S-400 “Triumf” 2007-ci ildə Rusiyada silahlanmaya qəbul olunub. O, aviasiya vasitələrini, qanadlı raketləri, o cümlədən orta təsir radiuslu ballistik raketləri, həmçinin yerüstü obyektləri məhv etmək üçün nəzərdə tutulub. Rusiya Hərbi Kosmik Qüvvələri komandanının müavini bildirib ki, S-400 sistemləri üçün yaxın kosmosdakı hədəfləri vura biləcək raketlər də silahlanmaya daxil olub.