Fransa avropalı turistlərə 14 günlük karantin tətbiq etməyəcək

Yelisey sarayı Avropadan gələn turistlər üçün məcburi iki həftəlik karantin tətbiq etməyəcəklərini söyləyib.

Publika.az xarici mətbuata istinadən xəbər verir ki, söhbət Aİ və İngiltərənin Şengen ölkələrindən gələn turistlərdən gedir, giriş onların milliyyətindən asılı deyil. Eyni zamanda bir gün əvvəl Səhiyyə naziri Olivier Veran xaricdən Fransaya gələn hər kəs üçün bu cür məhdudiyyətlərin tətbiq edilməsini təklif etmişdi. Ancaq hökumət bu cür planlardan imtina etmək qərarına gəlib. İki həftəlik karantini gözləmək məcburiyyəti turistlərin sayını azalda bilər, onlar bütün tətillərini və ya çox hissəsini təcrid edilərək keçirmək məcburiyyətində qalacaqlar. CNN telekanalı xəbər verir ki, Yelisey sarayı ABŞ-dan gələn turistlərin karantin tədbirləri barədə şərh verməyib.

Sərhədin açılma tarixi göstərilməyib. Fransa hökuməti mövcud məhdudiyyətləri daha iki ay uzatmağı planlaşdırır. Mütəxəssislərin fikrincə, turizm üçün ilk növbədə iqtisadi cəhətdən çimərlik tətillərindən asılı olan ölkələr açıq elan olunacaq: Türkiyə, İtaliya və Yunanıstan.

Aytən Məftun