Bu gün Avropa İttifaqına üzv dövlәtlәrin zirvә görüşü baş tutacaq

Avropa İttifaqına üzv dövlәtlәrin liderlәri bu gün başlayacaq vә iki gün davam edәcәk zirvә görüşündә yeni növ koronavirusa qarşı hazırlanan peyvәndlәrin yavaş paylanması, Türkiyә ilә münasibәtlәr vә Rusiya mәsәlәsini müzakirә edәcәk.

Publika.az xəbər verir ki, Avropa ölkәlәrindә koronavirusa yoluxanların sayının artması sәbәbindәn videokonfrans formatında keçirilәcәk zirvә görüşü günortadan sonra başlayacaq.

Zirvә görüşünün ilk sessiyasında koronavirusa qarşı peyvәndlәrin çatdırılmasının sürәtlәndirilmәsi, peyvәnd sertifikatı ilә bağlı texniki araşdırmalar, peyvәnd hazırlayan şirkәtlәrin Avropa İttifaqı ilә bağladığı müqavilәlәrә әmәl etmәlәri kimi mövzular gündәmә gәlәcәk.

Avropa İttifaqına üzv dövlәtlәrin liderlәri beynәlxalq münasibәtlәri dә müzakirә edәcәk. Bu çәrçivәdә ilk olaraq Türkiyә ilә münasibәtlәr vә Şәrqi Aralıq dәnizi mövzusunun müzakirəsi gözlәnilir.

Liderlәrin zirvә görüşündәn sonra yayımlayacağı birgә bәyannamәdә Türkiyә ilә xüsusilә ticarәt әlaqәlәrinin güclәndirilməsi ilə bağlı fikirlәrin yer alması nәzәrdә tutulur.

Zirvә görüşündә Avropa İttifaqı Şurası vә Avropa İttifaqı Komissiyasının Türkiyә ilә miqrasiya mövzusu ilә bağlı әldә olunan müqavilәnin hazırkı şәrtlәrә uyğunlaşdırılması mövzusundakı müzakirәlәrә başlamaq üçün üzv ölkәlәrdәn icazә almaları gözlәnilir.

Liderlәr suriyalılara ev sahibliyi etdiyi üçün Türkiyәyә daha çox maliyyә dәstәyi verilmәsi, rәsmi Ankara ilә yüksәk sәviyyәli iclaslar vә diplomatik görüşlәrin artırılması mövzularını da vurğulayacaqlar.

Qeyd edәk ki, zirvә görüşünün ilk günündә Amerika Birlәşmiş Ştatlarının prezidenti Co Bayden videokonfrans formatında çıxış edәcәk.