Odessaya raket zərbələri nəticəsində ölənlərin sayı kəskin artdı - VİDEO - (YENİLƏNDİ)
Bizi izləyin

Avropa

Odessaya raket zərbələri nəticəsində ölənlərin sayı kəskin artdı - VİDEO - (YENİLƏNDİ)

Rusiyanın Ukraynanın Odessa əyalətinin Belqorod-Dnestrovsk rayonunun şəhər tipli qəsəbəsinə raket hücumu nəticəsində ölən və yaralananların sayı artıb.

Publika.az “RBC Ukraina”ya istinadən xəbər verir ki, bu barədə Ukraynanın Fövqəladə Hallar Dövlət Xidməti məlumat yayıb.

Qeyd edilir ki, doqquzmərtəbəli evin qismən dağılması nəticəsində 14 nəfər ölüb, üçü uşaq olmaqla, daha 30 nəfər yaralanıb. Dövlət Fövqəladə Hallar Xidmətinin bölmələri dağıntılar altından 3-ü uşaq olmaqla 7 nəfəri xilas edib.

Məlumata görə, ikinci raket gecə saatlarında Belqorod-Dnestrovsk rayonunda yerləşən istirahət evinə düşüb. Raket zərbəsi istirahət mərkəzinin üç və dördmərtəbəli binalarının qismən dağılmasına səbəb olub, nəticədə biri uşaq olmaqla üç nəfər həlak olub, daha bir nəfər isə yaralanıb.

xxx

03:43

Odessa vilayətində Rusiyanın yeni raket hücumu həyata keçirilib.

Publika.az UNIAN-a istinadla xəbər verir ki, bu barədə Odessa hərbi administrasiyasının spikeri Sergey Bratçuk məlumat verib.

"Odessa vilayəti düşmən raketi ilə vurulub. Təəssüf ki, ölənlər var. Təfərrüatlar - sonra", - o bildirib.

Hadisə Pivden əməliyyat komandanlığında jurnalistlərə də təsdiqlənib.

"Zəbə endirilib. Ölənlər var", - komandanlıq qeyd edib.

Sosial şəbəkələrdə yerli sakinlər yazır ki, düşmən raketi çoxmərtəbəli yaşayış binasını dağıdıb. Dağıntılar altında insanlar qalıb. İstirahət mərkəzinə də ziyan dəydiyi, bir çox binaların pəncərə şüşələrinin qırıldığı bildirilir.

Xatırladaq ki, Rusiya Federasiyası ilə Ukrayna arasında genişmiqyaslı müharibə fevralın 24-də səhər tezdən başlayıb.Rusiya hərbçiləri Odessa vilayətini dəfələrlə atəşə tutublar, itkilər, yaralananlar və dağıntılar olub.

İyunun 30-da məlum olub ki, rus hərbçiləri Odessa vilayətinə iki raketlə hücum ediblər, dağıntı və tələfat olmayıb.

Hüseyn İbadlı

Oxumağa davam et
Reklam
Reklam

Gündəm