Hava limanında minlərlə turistin çamadanları itdi

Avropa hava limanlarında xaotik vəziyyət turistlər üçün problemlər yaranmağa davam edir, təkcə gəlişlər və gedişlər deyil, baqajın çatdırılması da indi əsl fəlakətə çevrilib.

Publika.az xarici mətbuata istinadən xəbər verir ki, Avropa mediası bir-birinin ardınca baqaj qalmaqalından yazır. Bildirilir ki, turistləri baqajlarını qoyub yalnız əl yükü ilə uçmağa sövq edirdilər, təyyarədən enənlərə çamadanlarını almaq üçün ən azı 12 saat hava limanında gözləməli olduqları barədə xəbərdarlıq edilib. Çoxları isə ümumiyyətlə çamadanlarını tapa bilmir. Bütün bunlar iğtişaşlara səbəb olub.

Baqajın boşaldılması və yüklənməsində yaranan problemlər pandemiya zamanı işçilərin kütləvi ixtisarı və işçi çatışmazlığı problemi ilə əlaqələndirilir. Uçuşların gecikmələri və reysə gözləniləndən xeyli tez gələn turistlərin çaxnaşması vəziyyəti daha da ağırlaşdırır.

“Baqajın yüklənməsi və boşaldılması faktiki olaraq pozulub, buna görə də böyük növbələr və çaxnaşma var. Turistlərdən çamadanlarını tərk etmələri və yalnız əl yükü ilə səyahət etmələri xahiş olunur, iki gün ərzində baqaj göndəriləcəyinə söz verilir. Əsl stressdir” , - “The Sun” turistlərin şikayətlərinə istinad edir.

Baqajın çatdırılması ilə bağlı verilən vədlərin isə həqiqətən də özünü doğrultmadığı bildirilib.

Aytən Məftun