Ukraynadan XƏBƏRDARLIQ: Rusiya ərazisinə zərbələr endirilə bilər

Lazım gələrsə, Ukrayna dövlətimizin ərazisinin atəşə tutulduğu Rusiya ərazisindəki hərbi obyektləri vura biləcək.

Publika.az xəbər verir ki, bu barədə telemarafonun efirində Ukrayna Milli Təhlükəsizlik və Müdafiə Şurasının katibi Oleksiy Danilov məlumat verib.

O qeyd edib ki, Ukrayna siyasi və hərbi rəhbərliyinin belə bir addım atmağa iradəsi var.

"İradəyə gəlincə, bizdə var. Düşmənin ümid etdiyi bu deyil... Və lazım gəlsə, inanın ki, dediyiniz obyektlərin dağıdılması üçün imzalanması lazım olanı heç kim imzalamaqdan çəkinməz. Üstəlik, dövlət başçımızın hansı ərazilərdən gəlirsə, o ərazilərə dəqiq cavab verəcəyimizi deməsi də bunun əyani təsdiqidir", - deyə Danilov bildirib.

Onun sözlərinə görə, şura Ukrayna ərazisinə edilən bütün raket zərbələrinin haradan gəldiyini bilir:

"Ərazimizdə baş verən bütün hərbi hadisələri izlənilir. Ölkəmizdə raketlər, təyyarələr və ya gəmilər tərəfindən atılan bütün atəşlərdən xəbərdarıq"

Danilov onu da əlavə edib ki, Rusiya zərbələrinin 74%-nin hərbi infrastrukturla heç bir əlaqəsi yoxdur, onlar mülki obyektlərə vurulur.

Hüseyn İbadlı