Rusiyanın ən yaxşı helikopter pilotu ÖLDÜRÜLDÜ

Ukrayna hərbçiləri Rusiya Hərbi Hava Qüvvələrinin polkovniki Vasil Kleşenkonu məhv edib.

Publika.az xəbər verir ki, bu barədə "StratCom" məlumat yayıb.

"Rusiya Silahlı Qüvvələrinin ən yaxşı helikopter pilotu polkovnik Kleşenkonun cəsədi Ka-52-nin dağıntıları altındadır", - açıqlamada deyilir.

Rusiya Federasiyası Müdafiə Nazirliyinin saytında qeyd edilib ki, Kleşenko Rusiya Ordu Aviasiyasının uçuş heyətinin döyüş istifadəsi və yenidən hazırlanması üzrə 344-cü mərkəzin rəis müavini olub.

Məhv edilimiş rus polkovniki ötən il mayın 9-da Qırmızı Meydan üzərində helikopter paradına da rəhbərlik edib.

Britaniya kəşfiyyatının məlumatına görə, genişmiqyaslı müharibə başlayandan bəri Ukrayna ordusu ən azı 10 rus generalını məhv edib. Eyni zamanda, rus ordusunun uğursuzluqları ən azı 6 rus komandirinin işdən çıxarılmasına səbəb oldu.

Həmçinin bildirilib ki, son 3 həftə ərzində Ukrayna hərbçiləri rus işğalçılarının iki batalyon-taktiki qrupunu məhv edib.

Fevralın 24-dən avqustun 8-dək rusların ümumi itkiləri 42340 nəfərə çatıb .

Hüseyn İbadlı