Liz Trassın Kiyevə səfərinə hazırlıq gedir - SƏFİR

Ukraynanın Böyük Britaniyadakı səfirliyi artıq Liz Trassın Kiyevə səfərinə hazırlaşmağa başlayıb.

Publika.az xəbər verir ki, bu barədə telemarafonunun efirində Ukraynanın Böyük Britaniyadakı fövqəladə və səlahiyyətli səfiri Vadim Pristayko bildirib.

"O, rəsmi olaraq baş nazir olanda, düşünürəm ki, çağırış dərhal yerinə yetiriləcək və Liz Trassın səfəri ilə bağlı razılaşmalar çox gözləməyəcək. Biz diplomatik sistem olaraq artıq həm bu söhbəti, həm də Liz Trassın Kiyevə gəlişini hazırlamağa başlamışıq", - Pristayko deyib.

O qeyd edib ki, Britaniya cəmiyyəti Rusiyanın bu müharibədə uduzmalı olduğu mövqeyində yekdildir.

Pristayko hesab edir ki, Trassın lazım gələrsə nüvə silahından istifadə etməyə hazır olması barədə bəyanatı artıq Rusiya üçün xəbərdarlıq olub:

"Əminəm ki, bu, kifayət qədər riskli olsa da, düzgün bəyanatdır. Dünyadakı bir çox sülhməramlıların eşitmək istəmədiyi şey deyil, lakin o, "t" hərfini qeyd etdi. Rusiya lazım olan güclü mesajı aldı. Liz Trsss çox yaxşı başa düşür və nazirimiz Dmitri Kuleba ona xatırladıb ki, Böyük Britaniya biz nüvə silahından qurtulan zaman Ukraynanı qoruyacağına söz verən ölkələrdən biridir".

Xatırladaq ki, sentyabrın 5-də Böyük Britaniyanın xarici işlər naziri Liz Trass hakim Mühafizəkarlar Partiyasının yeni lideri seçilib.

O, dəfələrlə bəyan edib ki, Rusiyanın təcavüzünə qarşı mübarizədə Ukraynanı dəstəkləyəcək.

Hüseyn İbadlı