Avropa

Papadan ÇAĞIRIŞ: "Sərhəddəki gərginliyin həlli üçün..."

15 Sentyabr 2022 06:22

Papa Fransisk Ermənistan-Azərbaycan sərhədindəki vəziyyətin sülh yolu ilə həllinin tərəfdarı olduğunu bildirib.

Publika.az xəbər verir ki, onun sözlərinə görə, iki ölkə arasında fikir mübadiləsi üçün dua etmək lazımdır.

“Mən həyəcanla öyrəndim ki, bu saatlarda Qafqaz regionunda (Ermənistanın Azərbaycanla sərhəddə vəziyyəti gərginləşdirməsi fonunda - red.) yeni gərginlik ocaqları yaranıb. Gəlin dua etməyə davam edək ki, dinc fikir mübadiləsi və razılıq bu ərazilərdə də fitnələrə qalib gəlsin”, - Papa bildirib.

Onun nöqteyi-nəzərindən münaqişələrin həlli yolu yalnız dialoqdan keçir. O, həmçinin beynəlxalq ictimaiyyətin “sülh yaratmağı” öyrənməli olduğunu vurğulayıb və sülh və birlik elçiləri olan hər kəsə təşəkkür edib.

Teqlər Roma Papası Fransisk