Avropa

Ukraynalılara ÇAĞIRIŞ EDİLDİ: "İşıqları söndürün, bu gün ən çətin axşamdır"

10 Oktyabr 2022 23:00

Ukrayna sakinlərindən bu gün pik saatlarda - saat 17:00-dan 23:00-a qədər enerji sistemini yükləməmələri istənilib.

Publika.az UNIAN-a istinadla xəbər verir ki, bu, Ukraynanın kritik infrastruktur obyektlərinə Rusiyanın kütləvi raket hücumları ilə əlaqədardır.

“Ukraynanın bütün sakinlərinə müraciət! Axşam saat 17:00-dan 23:00-a qədər elektrik enerjisi istehlakını mümkün qədər azaldın ki, bu müvəqqəti çətinliklərin öhdəsindən birlikdə gələ bilək”, - Prezident Ofisi rəhbərinin müavini Kirill Timoşenko məlumat verib.

Ali Radanın Energetika və Mənzil-Kommunal Xidmətləri Komitəsinin sədri Andrey Qerus öz növbəsində hansı avadanlıqların söndürülməli olduğunu barədə məlumat verib.

Onun sözlərinə görə, bu gecə, oktyabrın 10-u Ukraynanın enerji sektoru üçün ən çətin axşamlardan biridir:

“Bu gecə daha az elektrik istifadə edə bilsəniz, bu, elektrik sisteminə çox kömək edəcək. Həmçinin elektrik enerjisinin təcili söndürülməsi ehtiyacını azaldacaq”.

Hüseyn İbadlı