Avropa

Kuleba Qərblə birlikdə əks-hücum hazırlandığını ETİRAF ETDİ

14 Oktyabr 2022 03:43

"ABŞ və Böyük Britaniya ilə birlikdə Ukraynanın cənubunda əks-hücum hazırlığı aparılır".

Publika.az xəbər verir ki, bu barədə Ukraynanın xarici işlər naziri Dmitri Kuleba rusiyalı prankerlər Vladimir Kuznetsov (Vovan) və Aleksey Stolyarov (Lexus) ilə söhbətində bildirib.

“Açığını deyim ki, tərəfdaşlarımızla, ilk növbədə ABŞ və Böyük Britaniya ilə sıx əməkdaşlıq edərək cənubda əks-hücum əməliyyatı hazırladıq”, - Kuleba bildirib.

O, həmçinin qeyd edib ki, Kiyev Vaşinqtondan hava hücumundan müdafiə sistemləri, uzaqmənzilli raketlər və "Abrams" tankları, hətta ən qədimləri belə tədarük gözləyir. Ukrayna XİN rəhbəri əlavə edib ki, ABŞ psixoloji maneəni aşmalı və onların transferinə başlamalıdır.

Bundan əlavə, Kuleba Amerika Birləşmiş Ştatlarını Rusiyanı terrorizmin sponsoru kimi tanımağa çağırıb.

Hüseyn İbadlı