Avropa

108 ukraynalı qadın rus əsirliyindən AZAD EDİLDİ - FOTO/VİDEO

17 Oktyabr 2022 21:46

Oktyabrın 17-də Ukrayna 108 qadını rus əsirliyindən azad edib.

Publika.az xəbər verir ki, bu barədə Ukrayna Prezident Aparatının rəhbəri Andrey Yermak "Telegram" kanalında məlumat verib.

“Bu gün daha bir irimiqyaslı məhbus mübadiləsi həyata keçirilib. Xüsusilə emosional və həqiqətən xüsusi - 108 qadını əsirlikdən azad etdik. Bu, ilk qadın mübadiləsi idi. Analar və qızlar əsirlikdə idi, qohumları onları gözləyirdi. “Azovstal”dan təxliyə edilən 37 nəfər, 11 zabit, 85 sıravi və çavuş”, – Yermak qeyd edib.

Onun sözlərinə görə, azad edilən qadın müdafiəçilər arasında Silahlı Qüvvələrdən 35, Hərbi Dəniz Qüvvələrindən 32, Hərbi Polisdən 12, Milli Hərbi Universitetdən 8, o cümlədən “Azov”dan 2, DSST-dən 5, DPSU-dan 4 nəfər və 12 mülki şəxs var.

Hüseyn İbadlı