Risiyada GERİ ADDIM: "Kalibr" raketdaşıyıcı gəmi Qara dənizə qaytarıldı

Noyabrın 10-na olan məlumata görə, Qara dənizdə Rusiyanın 14 gəmisi, o cümlədən bir “Kalibr” qanadlı raket daşıyıcısı, cəmi 8 raketlə döyüş növbətçiliyi aparır.

Bu barədə Publika.az Ukrayna Silahlı Qüvvələrinin Hərbi Dəniz Qüvvələrinə istinadla məlumat yayıb.

Hərbi Dəniz Qüvvələrinin mətbuat xidməti bildirir ki, son sutka ərzində Rusiya Hərbi Dəniz Qüvvələrinin aşağıdakı gəmiləri Kerç-Yenikal boğazından keçib:

Azov dənizinə - 24 gəmi, onlardan 6-sı Bosfor boğazından hərəkət etdi;

Qara dənizə - 38 gəmi, onlardan 15-i Bosfor boğazı istiqamətində hərəkətini davam etdirib.

Azov dənizində ruslar bir gəmini döyüş növbətçiliyində saxlayaraq dəniz rabitəsinə nəzarəti davam etdirir. Aralıq dənizində isə 10 gəmi var, onlardan 5-i ümumi 76 raketdən ibarət “Kalibr” qanadlı raketlərinin daşıyıcısıdır.

“Bundan əlavə, Rusiya Federasiyası Azov dənizinin sularında mülki gəmilərdə avtomatik identifikasiya sistemlərini (AIS) söndürməklə 1974-cü il Dənizdə Həyat Təhlükəsizliyi üzrə Beynəlxalq Konvensiyanı (SOLAS) pozmağa davam edir", - mətbuat xidməti əlavə edib.

Xatırladaq ki, “Kalibr” daşıyıcı gəmisinin Qara dənizdə sonuncu dəfə tapılması noyabrın 7-də qeydə alınıb.

Bununla belə, Ukrayna hərbçiləri bu yaxınlarda izah ediblər ki, “Kalibr” qanadlı raketdaşıyan gəminin açıq dənizdə olmaması onların Ukrayna ərazisinə buraxılması təhlükəsinin olmaması demək deyil.

Hüseyn İbadlı