Avropa

Qadınlar masaj salonlarında cinsi istismara məruz qalır

6 Dekabr 2022 17:22

Litva vətəndaşları dünyada məcburi əmək, cinsi istismar, qondarma nikahlar və saxtakarlıq üçün istifadə olunur.

Publika.az “Sputnik Litva”ya istinadla xəbər verir ki, bu barədə Litvanın Daxili İşlər Nazirliyi məlumat yayıb.

DİN Litvanın insan alveri kontekstində resurs, tranzit və təyinat ölkəsi olduğunu vurğulayıb.

“Litva vətəndaşları xarici ölkələrdə insan alveri, cinayət əməlləri, məcburi əmək, cinsi istismar, uydurma nikahlar, fırıldaqçılıq və dilənçilik üçün istifadə olunur”, - daxili işlər naziri Agne Bilotaite deyib.

Onun sözlərinə görə, Litvada üçüncü ölkə vətəndaşları qeyri-insani şəraitdə məcburi əməyə cəlb edilir və “qadınlar seçim hüququ olmadan masaj salonlarında cinsi istismara məruz qalır”.

Nazir əlavə edib ki, Ukraynadan Litvaya gələn qaçqınlarla bağlı respublika onları insan alveri təhlükələrindən qorumaq üçün dərhal bütün zəruri qabaqlayıcı tədbirlər görüb.

Murad