Avropa

BMT sülhməramlıları Ukraynaya ÇAĞIRILDI: "Həll yolu yoxdur"

4 Yanvar 2023 21:00

Ukraynanın "Energoatom" şirkətinin prezidenti Petr Kotin BMT-ni Zaporojye Atom Elektrik Stansiyasına sülhməramlılar göndərməyə çağırıb.

Publika.az xəbər verir ki, bu barədə "RİA Novosti" məlumat yayıb .

“Problem ondadır ki, MAQATE səviyyəsində həll yolu yoxdur. Proses irəli getmir. Biz bu problemi növbəti mərhələyə keçirməyi təklif edərdik", - Kotin bildirib.

O, həmçinin vurğulayıb ki, Kiyev BMT Təhlükəsizlik Şurası çərçivəsində sülhməramlılar məsələsini qaldırmaq niyyətindədir.

Dekabrın 23-də Beynəlxalq Atom Enerjisi Agentliyinin baş direktoru Rafael Qrossi ZAES ətrafında təhlükəsizlik zonasının formalaşdırılması üzrə diplomatik səylərin gedişatını açıqlayıb. O vurğulayıb ki, danışıqların yekun məqsədi stansiyada qəzanın qarşısını almaqdır.

Hüseyn İbadlı