Aİ-də mühüm ekoloji qanun ratifikasiya edildi

Avropa İttifaqı ölkələri tərəfindən 2035-ci ildən etibarən satılan bütün yeni avtomobillərin karbon qazı emissiyalarının sıfır olmasını təmin edəcək mühüm qanun ratifikasiya edilib.

Publika.az "Reuters"ə istinadla xəbər verir ki, Polşa bu qanunun əleyhinə səs verib, İtaliya, Bolqarıstan və Rumıniya isə bitərəf qalıb. Bundan əvvəl Almaniyanın elektron yanacaqla işləyən avtomobilləri istisna etməyi tələb etməsindən sonra razılaşma həftələrlə təxirə salınıb. Elektron yanacaqların karbon neytral olduğu iddia edilir, çünki onlar mühərrikdə yandıqda buraxılan CO2-ni balanslaşdırmaq üçün karbon qazı emissiyasından istifadə edir.

Yeni qanunun 2035-ci ildən etibarən Aİ-də daxili yanma mühərrikli avtomobillərin satışını qeyri-mümkün edəcəyi gözlənilirdi. Bununla belə, Almaniyanın qazandığı istisna ənənəvi avtomobilləri olanlara kömək edəcək. Bunun üçün elektron yanacaqlar böyük miqyasda istehsal olunmalıdır.

Avropa Komissiyasının məlumatına görə, minik avtomobilləri və mikroavtobuslar Aİ-nin əsas istixana qazı olan CO2-nin ümumi emissiyalarının müvafiq olaraq təxminən 12 və 2,5 faizinə cavabdehdir. Bu ayın əvvəlində BMT xəbərdarlıq etmişdi ki, dünya qlobal temperaturun 1,5 dərəcə Selsiyə qədər artmasını məhdudlaşdırmaq üçün hədəfi əldən verə bilər.