Avropa

Makron yeni villaya köçür - Foto

23 Avqust 2025 09:15

Fransa Prezidenti Emmanuel Makron həyat yoldaşı Bricit ilə Le-Manş sahilində yerləşən Le Tukedə boğaz mənzərəli villalardan birinə köçməyə hazırlaşır.

Publika.az xəbər verir ki, bu barədə "Le Figaro" yazıb.

Məlumata görə, üçmərtəbəli, qırmızı kərpicdən tikilmiş villanın ümumi sahəsi 290 kvadratmetr, yaşayış sahəsi isə 111 kvadratmetrdir. Villanın kiçik bağı da var.

Cütlüyün yeni evə yerləşmək qərarını biraz dinclik və sakitlik tapmaq məqsədilə verdiyi ehtimal edilir.

Xatırladaq ki, bu ilin fevral ayında Makron və həyat yoldaşı Bricitin Pas-de-Kale bölgəsində yerləşən Monejan villasını satışa çıxardıqları barədə xəbərlər yayılmışdı. Cütlüyün şəhərin ən işlək küçələrindən birində yerləşən villanı yoldan keçənlərin diqqətini cəlb etdiyi üçün satmaq qərarına gəldiyi bildirilirdi.