Rusiya bizə qarşı müharibə aparır, siyasi nizamın düşmənidir - Merts

Rusiya Prezidenti Vladimir Putin hazırda Avropa və Almaniyaya qarşı hibrid müharibə aparır.

Publika.az "European Pravda"ya istinadən xəbər verir ki, bunu Almaniya kansleri Fridrix Merts bəyan edib.

Merts qeyd edib ki, Putin “Avropanın siyasi nizamını alt-üst etməyə” çalışır.

"Putin bizə qarşı informasiya müharibəsi aparır. O, Ukraynaya qarşı müharibə aparır və bu müharibə hamımıza qarşı yönəlib", - kansler vurğulayıb.

Onun sözlərinə görə, Avropada açıq, azad cəmiyyətlərin siyasi nizamını qorumaq Almaniyanın maraqlarına uyğundur.

Merts "Putin Almaniyaya qarşı müharibə aparırmı" sualına belə cavab verib: “O, bizə qarşı hibrid müharibə aparır”.

Almaniyada və bütün Avropada dron insidentlərinin artmasına münasibət bildirən kansler deyib ki, Putin qorxutmaq və qorxu səpmək istəyir.

"Biz özümüzü qorxutmağa imkan verməyəcəyik və bu təhlükədən özümüzü effektiv şəkildə müdafiə edəcəyik", - deyə Merts vurğulayıb. O, Rusiyanı “sərt rəqib və siyasi nizamın düşməni” adlandırıb.

Adəm