Bakı 2015
“Təəssüf ki, Avropa Oyunları bizim dövrə təsadüf etmədi”- dünya çempionu
Taekvondo üzrə Avropa və dünya çempionu, Azərbaycan Taekvondo Federasiyasının milli komandalara nəzarət üzrə vitse-prezidenti Niyaməddin Paşayev Avropa Oyunlarında çıxış etməyin idmançılar üçün qürur hissi olduğunu deyib.
Keçmiş idmançı Publika.az-a açıqlamasında bu cür turnirin onların dövründə olmadığı üçün təəssüfləndiyini deyib:
“Bu cür turnirdə, Azərbaycan yığmasının tərkibində iştirak etməyi hər bir idmançı istəyərdi. Hamı istəyər ki, Avropa Oyunlarında qalib olsun, medallardan birinə sahib çıxsın. Bu gün Azərbaycanda, doğma azarkeşlər önündə iştirak etməyin özü böyük fəxr hissidir. Hər bir idmançı bu turnirdə şərəf hissi ilə döyüşməlidir, öz sahəsində layiqincə çıxış etməlidir. Təəssüf ki, bu turnir bizim çıxış etdiyimiz dövrə təsadüf etmədi. Amma orada çıxış edəcək idmançılara uğurlar arzulayıram. Təbii ki, keçmiş bir idmançı kimi deyirəm, onların yerinə mən də olmaq istəyərdim”.
Vitse-prezident I Avropa Oyunlarında çıxış edəcək taekvondoçularımızdan da danışdı:
“Demək olar bir ildir ki, I Avropa Oyunları üçün çalışırıq. Təəssüflər olsun ki, ağır çəkilərdə problemimiz olur. Amma 8 idmançı ilə təmsil olunacağıq. Mayın 8-dən 18-nə qədər biz Rusiyada keçiriləcək dünya çempionatında iştirak edəcəyik. Biz orada 8 oğlan, 7 qız idmançı ilə təmsil olunacağıq. Orada layiqincə çıxış edəcək 4 qız, 4 oğlan idmançımız seçiləcək və Avropa Oyunlarında çıxış edəcək”.
Aygün İlqarqızı
-
Nida Xəbər 14:58
Vilayət Eyvazov bu generalı özünə müşavir təyin etdi - FOTO
-
Magazin114:02
Hamını aldadıblarmış... - Qızı Təranəni ifşa etdi
-
Qarabağ 13:56
Kəlbəcərdə bədbəxt hadisə - Xəsarət alanlar var
-
Hadisə13:30
Bakıda kişi sevdiyi qıza görə küçədə özünə OD VURDU - VİDEO
-
Kriminal12:41
Müdafiə Nazirliyində 143 milyonluq mənimsəmə: daha bir nəfər saxlanıldı
-
Dünya12:01
İngiltərə Ukraynaya “yaşıl işıq” yandırdı: Bizim silahlarla Rusiyanı vur
-
Nida Xəbər 11:04
Bu xəstəxananın vəzifəli şəxsləri SAXLANILDI - Görün nə qədər vəsait mənimsəyiblər
-
Magazin109:51
“Çörək tapmamışıq, anam qonşuya yemək üçün yalvarıb” - Aysundan etiraf