Kriminal

Ata 5 yaşlı qızını saytda satışa çıxardı - - FOTO

4 Fevral 2020 10:13

Rusiyanın Çelyabinsk şəhərində Viaçeslav adlı şəxs bir saytda elan yerləşdirərək uşağını satışa çıxarıb.

Publika.az xəbər verir ki, uşağın fotolarını da yerləşdirən ata övladına 5 min rubl (133 manat) qiymət qoyub.

Qızını satın almaq istəyən şəxslərlə şəhərin mərkəzində görüşə biləcəyini və pulu aldıqdan sonra təslim edəcəyini qeyd edən atanın elanı rus polisinin hədəfinə tuş gəlib. Elanı görən Rusiya polisi hərəkətə keçib və qızını satışa çıxaran ata saxlanılıb.

Bölgə prokurorluğu atanın insan alveri cinayətində ittiham olunaraq cəzalandırılacağını bildirib. Həmçinin elanı təsdiqləyən və saytında yayımlayan redaktorun da məsuliyyətə cəlb ediləcəyi bildirilib.

Məhərrəm Əliyev