Meksikada bir şəhərdə 20 cəsəd aşkarlandı
Bizi izləyin
Aptekonline

Digər

Meksikada bir şəhərdə 20 cəsəd aşkarlandı

Meksikada bir şəhərdə 20 cəsəd aşkarlandı

Meksikanın Miçoakan ştatında cümə axşamı 20 nəfərin cəsədi aşkar edilib.

Publika.az “RİA-Novosti” agentliyinə istinadən xəbər verir ki, bu haqda ştatın təhlükəsizlik naziri İsrael Patron bildirib.

Patronun sözlərinə görə, cəsədlər Uruapan şəhərinin üç müxtəlif yerində tapılıb. Həmçinin, aralarında iki qadın olmaqla, doqquz nəfər körpüdə asılmışdı. Bundan başqa, daha yeddi bədən parçalanmış halda tapılıb. Qurbanlardan bəzilərinin bədənlərində güllə izləri görülüb.

Qeyd edək ki, son illərdə ABŞ-a kokain tranziti üzərində nəzarət uğrunda narkoartellərin qarşıdurması nəticəsində Meksikada zorakılıq dalğası güclənib. Meksikada 2018-ci ildə qətllərin rekord sayı qeydə alınıb. Təhlükəsizlik Nazirliyinin məlumatına görə, ötən il 33,34 mindən çox qətl hadisəsi baş verib. Bu göstərici 2017-ci ildə 31,2 min idi.

Miçoakan Cənubi Amerikadan ABŞ-a narkotiklərin göndərilməsində əsas ştatlardan biri hesab edilir.

Teqlər
Oxumağa davam et
Reklam
Reklam

Gündəm

Aptekonline