“ABŞ vahid ölkə kimi qalmayacaq, əgər Rusiya...” - ŞOK XƏBƏRDARLIQ

“Rusiyanı cəzalandırmasaq, vahid ölkə kimi qala bilməyəcəyik”.

Publika.az xarici KİV-ə istinadən xəbər verir ki, bunu ABŞ Konqresinin respublikaçı senatoru Qrem Lindsi NBC telekanalının efirində deyib.

Senatorun sözlərinə görə, o, “min faiz” əmindir ki, Rusiya xüsusi xidmət orqanları Demokratlar Partiyasının qərargahı serverlərini və keçmiş dövlət katibi, prezidentliyə namizəd Hillari Klintonun elektron poçtunu qırıb.

Qrem qeyd edir ki, Amerika demokratiyasına təhdidin aradan qaldırılması üçün Rusiya cəzalandırmalıdır. O vurğulayıb ki, hakerlər seçkilərin nəticəsinə təsir edə bilməsə də, belə hərəkətləri cavabsız qoymaq olmaz.

Senator bildirib ki, Rusiyaya qarşı sanksiyaların yeni layihəsi hazırlanıb və onu hər iki partiya dəstəkləyir. O qeyd edib ki, layihəni prezidentə təqdim etmək niyyətindədirlər.

Qeyd edək ki, Lindsi Qrem Senatın silahlı qüvvələr komitəsinin sədri Con Makkeyn birlikdə anti-Rusiya cəbhəsinə rəhbərlik edir və Rusiyaya qarşı sanksiyaların hazırlanmasında xüsusi fəallıq göstərir.

Ömər Dağlı