Dünya
ÜST direktoruna ÖLÜM TƏHDİDİ

“Netflix”də yayımlanan “Konvergensiya: böhran içində cəsarət” adlı sənədli filmdə Ümumdünya Səhiyyə Təşkilatının (ÜST) baş direktoru Tedros Adhanom Qebreyesus nəhayət virusu tanımağa başladıqlarını deyib.
Publika.az xarici mətbuata istinadən xəbər verir ki, sənədli film 2020-ci il ərzində Çin, ABŞ, Braziliya və Peru kimi ölkələrdə COVID-19 pandemiyası ilə mübarizə aparan həkimlərin, təcili yardım işçilərinin, xəstələrin işlərindən və həyatlarından danışır.
Filmdə dünyanın sağlamlıq sistemlərinin və siyasi qüvvələrinin bu böhranı necə idarə etdiyinə dair mövzulara yer verilib, eyni zamanda zəngin və kasıb ölkələr arasındakı ayrı-seçkiliyə diqqət çəkilib. ÜST direktoru Tedros Adhanom Qebreyesusun sözlərinə görə, ən böyük məyusluq odur ki, yoxsul ölkələr peyvənd çatışmazlığından əziyyət çəkdiyi halda, zəngin ölkələr gücləndirici dozalara keçib.
Sürətli peyvəndlənmənin dünyanın pandemiyaya qarşı ən böyük silahı olduğu vurğulanan sənədli filmdə zəngin və kasıb ölkələr üçün vaksin tədarükü arasındakı uçurumun davam etdiyi qeyd olunub. Əlavə olunub ki, Amerika Birləşmiş Ştatları bir milyard dozadan çox peyvəndi digər ölkələrə çatdıracağını vəd etsə də, sözünün yalnız beşdə birini yerinə yetirə bilib.
Ümumdünya Səhiyyə Təşkilatının direktoru özünün və həmkarlarının pandemiya dövründə dəfələrlə ölüm təhdidlərinə və irqçi hücumlara məruz qaldığını ifadə edib.
Ölüm təhdidləri ilə əlaqədar efiopiyalı sağlamlıq mütəxəssisi “Buna əhəmiyyət vermirik, çünki insanlar ölürdü. Özümüzü deyil, dünyanı düşündük. Mənim üçün COVID-19 həqiqətən qlobal cəmiyyət olaraq hərəkət etməyə səsləyən çağırışdır” deyib.
ÜST-nin təcili yardım proqramının direktoru Maykl Rayan isə dünyanı cənginə alan bu virusun mənşəyinin araşdırıldığını bildirib. O, Elmi Məsləhətçi Qrupun (SAGO) COVID-19-un mənşəyini tapmaq üçün son şans ola biləcəyini vurğulayıb. Bundan başqa, Rayan bildirib ki, elmi qrup epidemiya potensialı olan patogenlərin mənşəyini müəyyən etmək və yönəltmək üçün qlobal çərçivə hazırlamağı tövsiyə edəcək.
Aytən Məftun

-
Qoroskop21:12
Ayın 10-u bu bürcün həyatı dəyişəcək
-
Yaxın Şərq21:00
İran İsrailin bu strateji obyektlərini vurub - Təl-Əviv ilk dəfə TƏSDİQLƏDİ
-
İdman19:24
Dəhşətli faciənin ilk təfərrüatı - Futbolçu qardaşların yanaraq öldüyü qəza necə baş verib?
-
Dünya17:58
Dünyanın ən toxunulmaz əraziləri: Göydən də qorunur, üzərindən uçuş qadağandır - FOTOLAR
-
Rəsmi xronika17:05
İlham Əliyev 2 fərman imzaladı
-
Maraq dünyası16:07
Göydə üzən sərvət: ABŞ arxasınca raket göndərdi - Bu tarixdə çatacaq
-
Sosial14:53
Əli Əsədov yeni qərar imzaladı
-
Region14:27
Paşinyanın adamı ermənilərə vəd verdi: Azərbaycanla barışdıqdan sonra pul sel kimi axacaq