Dünya

Filippində dəhşətli "Rai" qasırğası 208 CAN ALDI

20 Dekabr 2021 08:12

Filippində "Rai" qasırğası nəticəsində azı 208 nəfər ölüb.

Publika.az xəbər verir ki, bu barədə bazar ertəsi "Manila Bulletin" qəzeti ölkə polisinin məlumatlarına istinadən məlumat yayıb.

Bundan əvvəl 169 nəfərin öldüyü bildirilirdi .

Qəzetin məlumatına görə, 239 nəfər yaralanıb, daha 52 nəfər itkin düşüb.

Honq-Konq Meteoroloji Rəsədxanası dekabrın 16-da bildirib ki, bu mövsüm "Rai" adlı 22-ci tayfun Sakit Okeanın qərbində formalaşıb. Filippinin Şərqi Visaya bölgəsinin səlahiyyətliləri təbii fəlakətdən əvvəl 82 mindən çox sakini təxliyə edib. Əhali Cənubi Leyte, Leyte, Samar, Şərqi Samar, Şimali Samar və Biliran əyalətlərindəki 274 təxliyə mərkəzində yerləşdirilib.

Vyetnam Milli Hidrometeoroloji Proqnozlar Mərkəzinin məlumatına görə, tayfunun episentri Bindinq əyalətinə doğru hərəkət edir.

Hüseyn