Dünya

Rusiyadan müharibə tərəfdarlarına ŞOK

30 Yanvar 2022 17:37

Rusiya Təhlükəsizlik Şurasının katibi Nikolay Patruşev ölkəsinin Ukraynaya hücum etmək niyyəti ilə bağlı iddiaları rədd edərək bunların cəfəngiyyat olduğunu deyib.

Publika.az xəbər verir ki, bu barədə Patruşev mətbuata açıqlama verib.

“Rusiyanın Ukraynanı təhdid etdiyi deyilir. Bu, tamamilə gülüncdür. Heç bir təhlükə yoxdur. Ukraynalılar, o cümlədən rəsmilər də təhlükənin olmadığını bildirirlər”, - o qeyd edib.

Rusiyanın müharibə istəmədiyini vurğulayan Patruşev “Bunu tətbiq edənlər, xüsusən də Qərbdəkilər öz nəfslərinin arxasınca qaçırlar” - deyə bildirib.

Qeyd edək ki, ABŞ və Qərb ölkələri Rusiyanın Ukrayna sərhədlərinə 100 mindən çox hərbçi göndərməsindən narahatdır. Rusiya isə Ukraynanı işğal etmək fikrində olmadığını iddia edir.