O, Ukraynanın "qoruyucu mələyi"dir - Poroşenko
Bizi izləyin

Dünya

O, Ukraynanın "qoruyucu mələyi"dir - Poroşenko

ABŞ və Böyük Britaniyanın rolunu yüksək qiymətləndirirəm, lakin Ukrayna üçün ən vacib olanı Avropa Birliyinin dəstəyidir.

Publika.az Axar.az-a istinadla xəbər verir ki, bunu Ukraynanın keçmiş prezidenti Pyotr Poroşenko deyib.

"İlk növbədə mən ABŞ-ın rolunu yüksək qiymətləndirirəm. Oktyabrda rus qoşunlarının sərhəddə təhlükəli hərəkətləri ilə bağlı ilk məlumatları bizə Amerika kəşfiyyat xidmətləri verdi. Mən Böyük Britaniyaya və Kiyevdə qonaq olan dostum Boris Consona da minnətdaram. Amma bizim üçün ən önəmlisi Avropa Birliyinin dəstəyidir", - Poroşenko vurğulayıb.

Onun sözlərinə görə, Almaniya Ukrayna və Gürcüstanın AB-yə üzvlük perspektivləri baxımından əsas rol oynayır.

Almaniya və keçmiş kansler Angela Merkelin Ukrayna üçün "qoruyucu mələk kimi bir şey" olduğunu deyən Poroşenko Merkelin dəstəyi ilə 2014-cü ildə Ukrayna ilə Avropa Birliyi arasında assosiasiya sazişinin imzalandığını qeyd edib.

Oxumağa davam et
Reklam
Reklam

Gündəm