İspaniyada rusiyalı oliqarxların ŞOK PLANI: departament deşifrə etdi

İspaniya hakimiyyəti Aİ-nin sanksiya siyahısına daxil edilmiş 15 rusiyalı oliqarxa məxsus aktivləri müəyyən edib.

Publika.az "Reuters"ə istinadla xəbər verir ki, bunu Notariatların Baş Şurasının çirkli pulların yuyulmasının qarşısının alınması departamentinin rəhbəri Mariano Qarsiya Fresno deyib.

Agentlik fevralın 24-də Ukraynaya müdaxilədən sonra, oliqarxların aktivlərinin aşkarlanmaması üçün bəzi şirkətlərdəki səhmlərini qohumlarına və ya şəriklərinə keçirməyə cəhd edərkən aşkar edib.

Aİ-nin sanksiya siyahısında olan təxminən 15 nəfər və onlarla əlaqəli olan daha 105 nəfər və ya onların ailə üzvlərinin yeri müəyyən edilib.

Sanksiyaların hədəfində olan oliqarxların ən azı 10 İspaniya və 13 xarici şirkətdə payları olub.

Məlumat ölkənin Maliyyə Nazirliyinin maliyyə kəşfiyyatı bölməsi ilə paylaşılıb və aprelin sonunda hökumət sanksiyalar siyahısında olan 5 şəxslə əlaqəli 12 vəsaiti və bank hesablarını, həmçinin üç lüks yaxta və 23 mülkü dondurduğunu təsdiqləyib.