Qərb ölkələri Rusiyaya qarşı müharibəsi aparır - Puşkov

“Qərb ölkələri Rusiyaya qarşı sanksiya müharibəsi aparır”.

Publika.az xəbər verir ki, bunu Rusiya Federasiya Şurasının informasiya siyasəti və media ilə qarşılıqlı əlaqə komissiyasının sədri Aleksey Puşkov deyib.

O, bildirib ki, Qərbin məqsədi Rusiya tərəfinin iqtisadi baxımdan tükənməsidir: “Rusiyaya qarşı sanksiya müharibəsi ölkənin uzunmüddətli maliyyə və iqtisadi cəhətdən çökməsinə yönəlib. Bu müharibənin bir hissəsi kimi görülən fərdi tədbirlər, Rusiya neftinin tədarükünə Avropa embarqosunda olduğu kimi istisnaları ehtiva edə bilər və ya Qərbin ehtiyac dərəcəsindən asılı olaraq, düzəlişlərə məruz qala bilər”.

Eyni zamanda, senator vurğulayıb ki, məhdudlaşdırıcı tədbirlərə düzəlişlərin olmasına və onların effektiv olmamasına baxmayaraq, Qərb ölkələrinin Rusiyaya qarşı sanksiyalardan geri çəkiləcəyini gözləməyə dəyməz.

“Qərb mediası Rusiyaya qarşı sanksiyaların səmərəsizliyini nə qədər bəyan etsə də, ümumi kursa yenidən baxılması gözlənilmir”, - Puşkov qeyd edib.