Dünya

Dünya əhalisinin sayı AÇIQLANDI

14 Avqust 2022 22:49

2022-ci ilin avqust ayına olan məlumata görə, dünya əhalisinin sayı artıq 8 milyard nəfəri keçib.

Bu barədə Publika.az "Countrymeters" statistika xidmətinə istinadla xəbər verir.

Bildirilir ki, hazırda planetin əhalisi 8,009 milyard nəfərdir. Eyni zamanda, kişi əhalisi qadınlardan üstündür - 50,5% -ə qarşı 49,5%.

Əhalisinə görə ilk 10 ölkə eyni olaraq qalır: Çin (1,456 milyard), Hindistan (1,418 milyard), ABŞ (336 milyon), İndoneziya (281 milyon), Pakistan (230 milyon), Nigeriya (218 milyon), Braziliya (216 milyon) ), Banqladeş (169 milyon), Rusiya (146 milyon) və Meksika (132 milyon).

BMT-nin məlumatına görə, 2022-ci il noyabrın ortalarına qədər dünya əhalisinin sayı 8 milyarda çatmalı idi.

Xatırladaq ki, bundan əvvəl BMT yaxın 30 ildə dünya əhalisinin 2 milyard nəfər artacağını və 2050-ci ilə qədər 9,7 milyarda çatacağını proqnozlaşdırmışdı.

Hüseyn İbadlı