Cənubi Koreya təbii fəlakətlə üz-üzə: 360-dan çox reys LƏĞV EDİLDİ

Cənubi Koreyada “Hinnamnor” qasırğasının yaxınlaşması səbəbindən 361 daxili reys təxirə salınıb.

Publika.az xəbər veir ki, bu barədə "Yonhap" məlumat yayıb.

Qeyd olunur ki , 67 reysdən 13-ü yalnız paytaxt Seuldakı Gimpo beynəlxalq hava limanında ləğv edilib .

Jeju adasında demək olar ki, bütün məktəblər bağlanıb. Ölkənin cənub bölgəsindəki bir çox digər təhsil müəssisələrinin, o cümlədən cənub liman şəhəri Busanda məktəblər bağlanaraq distant təhsilə keçəcəyi gözlənilir.

Cənubi Koreyada bir sıra bərə reysləri də ləğv edilib.

“Hinnamnor” qasırğasının çərşənbə axşamı səhər saatda 80 km/saat küləyin sürəti ilə Pusana çatacağı gözlənilir.

Koreyalı meteoroloqlar da ölkə ərazisində güclü yağışların olacağı barədə xəbərdarlıq ediblər. Bazar ertəsi və çərşənbə axşamı ölkəyə 100 ilə 300 millimetr arasında yağış yağacağı, Ceju dağlıq ərazilərində və bəzi cənub sahil bölgələrində müvafiq olaraq 600 millimetr və 400 millimetrdən çox yağış yağacağı gözlənilir.

Hüseyn İbadlı