Berlində tətil: 300 reys təxirə salınıb

Berlin-Brandenburq hava limanında çərşənbə gününə planlaşdırılan bütün sərnişin reysləri işçilərin tətili səbəbindən ya ləğv edilib, ya da yenidən planlaşdırılıb.

Publika.az xəbər verir ki, bu barədə “Avropa həqiqəti” məlumat yayıb.

Çərşənbə günü Berlin hava limanında 300-ə yaxın reys qalxmalı və ya enməli idi.

Tətil Berlin-Brandenburq hava limanından keçməli olan 35 min sərnişinə təsir edəcək. Planlaşdırılan tətil çərşənbə günü səhər saat 3:30-da başlayıb və günün sonuna qədər davam edəcək.

Aviaşirkətin rəhbərliyi bəzi reysləri cümə axşamı gününə, digərlərini isə Drezden və Leypsiq kimi hava limanlarına yönləndirsə də, bir çox sərnişin qatarlara da yenidən sifariş edilib.

Məlumata əsasən 2018-ci ildən bəri ilk dəfədir ki, tətil Almaniyada bu qədər uçuşa təsir edir.

Tətil Verdi həmkarlar ittifaqı tərəfindən maaşlarla bağlı təşkil edilib. Həmkarlar ittifaqı kollektiv müqavilə çərçivəsində hava limanı və yerüstü xidmətlərin işçilərinin maaşlarının 12 ay müddətində ayda 500 avro artırılmasını tələb edir.

"Lufthansa" şirkətinin rəhbəri Karsten Spohr tətili tənqid edib. “Bir günlük tətili "ehtiyat tətil" adlandırmaq qeyri-adi haldır".

Həmkarlar ittifaqı tətildə 1500-ə qədər işçinin iştirak edəcəyini gözlədiyini bildirib.

Ayşən