Dünya

Bu ölkə də "tank koalisiyası"na qoşulur

25 Yanvar 2023 16:43

“İspaniya Berlinin qərarından sonra Ukraynaya Leopard 2 tanklarının verilməsini təşkil edəcək müttəfiqlərin koalisiyasına qoşulmağa hazırdır. Çünki baş nazir Pedro Sançes tanklar məsələsində yalnız koalisiyada hərəkət etməyə hazır idi”.

Publika.az xəbər verir ki, bu barədə “European Truth” yazır.

İspaniya ən çox Leopard 2-yə sahib olan Avropa ölkələrindən biridir - cəmi 347, lakin müxtəlif modifikasiyalara malikdir. Bunlardan 239-u İspaniya üçün hazırlanmış modifikasiya olan Leopard 2E-dir və 2A6E kimi də tanınır.

Bundan əvvəl qeyri-rəsmi məlumat verilmişdi ki, Ramstein formatının son iclasında 12 ölkə Almaniya hökumətinin təkrar ixraca razılıq verməsi şərti ilə Ukraynaya 100-ə yaxın “Leopard 2” tankı verməyə razılaşıb.

Ölkənin ən böyük siyasi qüvvələrindən biri olan, hazırda müxalifətdə olan İspaniya Xalq Partiyası (PP) hökuməti Ukraynanı lazımi hərbi texnika, o cümlədən Leopard 2 ilə təmin etməyə çağırıb.

Ayşən