Finlandiyanı da tətil bürüdü - İş şəraitindən narazıdırlar

Finlandiyada pərakəndə satış işçilərinin tətili başlayıb. Tətil fevralın 11-i səhərə qədər üç gün davam edəcək.

Publika.az Finlandiya mətbuatına istinadla xəbər verir ki, tətilçilər iş şəraitinin yaxşılaşdırılmasını tələb edirlər.

İşəgötürənləri təmsil edən Ticarət Birliyi ilə PAM Xidmət İşçiləri Həmkarlar İttifaqı arasında əmək mübahisəsi yaranıb. Hələ ki, razılığa gələ bilməyiblər.

"Kesko" şəbəkələrinin bütün ölkə üzrə hipermarket işçiləri tətil edəcək, aksiya günlərində bu şəbəkələrin satış yerləri bağlanacaq. Bəzi şəhərlərdə marketlər, "Kesko" logistika xidmətlərinin regional terminalları da işləmir. Həmkarlar ittifaqının saytındakı siyahıya əsasən, "K-Citymarket", "Prisma" və "Lidl" şəbəkələrinin işçiləri də tətil edir.

Bəzi mağazalar bu günlərdə işləməyə qərar verib. Onların nümayəndələri növbələrin həmişəkindən uzun ola biləcəyi ilə bağlı xəbərdarlıq edirlər.

Tərəflər razılığa gəlməsə, növbəti tətil fevralın 16-18-də baş tutacaq və Finlandiya üzrə 415 mağaza bağlanacaq. Bundan sonra 26 min işçinin tətil edəcəyi güman edilir.

Ayşən